Saltar al contenido

Publicador de contenidos

Atrás

Portos de Galicia reforzará as garantías administrativas do proxecto do abrigo de Meloxo e incluirá a reordenación da dársena

  • A presidenta do ente público trasladou ao alcalde a nova proposta

Porto de MeloxoSantiago de Compostela, 13 de agosto de 2020.- Portos de Galicia, reforzará as garantías administrativas e ambientais do proxecto de abrigo do peirao de Meloxo, no municipio pontevedrés do Grove. Así llo trasladou esta mañá a presidenta do ente público, Susana Lenguas, ao alcalde do municipio.

Susana Lenguas informou ao rexedor da importancia de reforzar as garantías de viabilidade do proxecto de mellora do abrigo da dársena de Meloxo tanto polo relativo á zona de lámina de auga que debe incluír como pola solicitude do departamento de Costas de presentar alternativas á proposta xa redactada. Ante esta situación, Portos de Galicia decidiu reiniciar a tramitación para remodelar a proposta e eliminar, ademais, a posible afectación ao banco  marisqueiro.

Segundo explicou a presidenta de Portos, a nova proposta incluirá tamén a ordenación da dársena nun único proxecto que recolla tamén a instalación de pantaláns, de xeito que se acorten os prazos para a materialización do proxecto completo.

Outras actuacións
A presidenta do ente público ratificou tamén o apoio de Portos de Galicia ao impulso dunha posible dársena deportiva de iniciativa privada para o municipio grovense. Susana Lenguas comprometeu a axilidade e colaboración institucional para a tramitación de calquera proposta destas características ao tempo que asegurou que o organismo portuario estudará as propostas que lle traslade o Concello para a mellora da praza do Corgo.